قريت عن هالجهاز وايد قبل لا أشتريه من بلوقرات وشفت عليه ضجه كبيره ويعتبر ثوره في عالم العنايه بالبشره
مميزات هالجهاز :
مصمم ﺧﺼﻴﺼﺎً ﻟﺘﻨﺸﻴﻂ ﻋﻤﻠﻴﺔ ﺍﻟعنايه ﺑالبشره.
راح تشوفي نعومه و بشره نضره ومشرقة اكثر من قبل وهو افضل ب6 مرات من التنظيف اليدوي العادي. يزيل الاوساخ، الزيوت، الرؤوس السوداء والشوائب في البشره ويقلل من المسامات الواسعه ويهيىء البشره للاستفادة اكثر من مستحضرات العنايه بالبشره.
تركيبه الجهاز والعلامات الإرشادية يلي فيه موضحه في الصوره يلي تحت :
وهذي صورة تبين نتيجه قبل إستخدام الجهاز وبعد إستخدام الجهاز لمدة 12 أسبوع.
والحلو فيه بعد ان شحنه يظل معاك فتره طويله انا شحنه يظل معي تقريبا شهر ونص مع الاستخدام اليومي وضد الماء ويشتغل لمدة دقيقه مقسمه ل ثلاثه أقسام :
١- ٢٠ ثانيه لمنطقة الجبهه
٢- ٢٠ ثانيه لمنطقة الانف والذقن
٣- ١٠ ثواني لكل خد.
نفس ما هو موضح في الصوره.
طريقة أستخدام الجهاز
تغسلي ويهج بالماء وبعدين تبللي الفرشه وتحطي عليها كميه من سائل الغسول المفضل عندج ويلي تستخدميه بشكل يومي وبعدها تبدأي من الجبهه لمده ٢٠ ثانيه وراح يعطيج الجهاز تنبيه بأن ٢٠ ثانيه خلصت وراح يبدأ بال ٢٠ الثانيه الاخرى علشان تغيري المنطقه والدتي بالأنف والذقن ونفس الشي بعد ال٢٠ ثانيه راح يرجع يعطيج تنبيه بأنها خلصت ويبدأ بال١٠ ثواني للخد الأيسر وبعدها تنبيه وتبدأ ال١٠ ثواني للخد الأيمن وآخرها خلاص راح يوقف الجهاز وهالشي اعتبره من مميزات الجهاز انه ماله داعي تحسبين الوقت للانه الجهاز بنفسه فيه توقيت ❤️
في هالصوره تبين الفرق بين تنظيف البشره باإستخدام الجهاز وبين الغسل باليدين .
وهذي صوره أوضح .
الكرتونه تحتوي على الجهاز +عينه غسول لجميع أنواع البشره من كلاريسونيك+ فرشه إضافيه + شاحن + حقيبة سفر ، وينصح بتغيير الفرشه كل ٣ شهور ، انا اخذته أون لاين من موقع Souq.com .
الجهاز صارله معي في حدود ال٥ شهور ونفس ما قلت اخذته أونلاين واتوقع انه متوفر في الصيدليات وفي سيفور سعره في حدود ٦٠٠ درهم انا اخذته في تنزيلات الموقع كان عليه خصم اخذته ب ٣٠٠ درهم.
انصح فيه للامانه نتائجه جميله وراح تلاحظين الفرق على بشرتك مع الاستخدام اليومي انا أستخدمه مره فاليوم اعتبره روتين واحيانا مرتين على حسب. من نظري يعتبر من الاشياء المهمه للعنايه بالبشره لكل بنت تحب تحافظ على نظاره وجمال بشرتها وما ياخذ من وقتج غير دقيقه ❤️
إنستغرام : zezisbeauty
